NGANONG SI PABLO MAN?
Roma. 1:5,11-12
Kung atong basahon ang Roma 1, kinahanglan natong masayran ug ipabilin ang uban nga impormasyon diin ginapahayag kanato diha sa libro sa Buhat tungod kay ang Roma nagakutlo man asang bahina sa Buhat natapos ang Kaluwasan sa mga Gentil nga diin dili pinaage Israel.
Unsa may mga panghitabo sa libro sa Buhat?
1. Ang Buhat nagsugod uban kang Pedro ug nagtapus kang Pablo
2. Ang buhat nagsugod uban sa usa ka nasud Israel, ang mga katawhan sa pakigsaad ug mga anak sa pakigsaad ug kini nagtapos uban ang mga Hentil, mga langyaw sa mga saad ug mga pakigsaad.
3. Ang buhat nagsugod uban sa buluhaton sa pagpamatuod sa mga saad nga sa unang panahon gisaad sa mga patriarca aron sa pagtuman sa kasugoan ug sa mga propeta ug nagtapus kang Pablo nga nagwali sa maayong balita sa grasya sa Dios ngadto sa mga Gentil.
Ang atong nakita sa mga panghiabo diha sa libro sa buhat mao si Pablo, usa ka lahi nga apostol sa dose ka mga apostoles diin nagdala ug usa ka pinasahe nga mensahe. Si Pablo nagsugod sa pagwali ngadto sa mga Gentil nga walay pagpasundayag sa Israel nga maoy labawng katawhan nga may pagtoo ug pagkamatinumanon. Ang atong makita sa mga panghitabo sa Buhat mao kadtong gihulagway ni Pablo sa Roma 11:30 diin siya miingon nga tungod sa pagkamasupilon sa Israel sila nangapandol, natumba, nagkahanaw, gihiklin ug nabutaan. Ang libro sa Buhat nagtapos uban kang Pablo nga nagwali sa maayong balita sa kaluwasan alang sa mga Gentil. Kinahanglan atong masabtan sa unsang paagi kini lahi gayud kaayo. Kini klaro kaayong gipakita nga dunay duha ka mga maayog balita nga giwale sa Buhat.
Ang testimonyo sa Karaang Kasabutan (Old Testament) ug ang upat ka libro sa Bag-ong Pakigsaad, imong makaplagan nga ang mga Gentil maluwas pinaagi sa Israel lamang. Diha sa Roma, si Pablo miadto sa ubang mga nasud samtang ang Israel anaa pa sa kahimtang sa ilang pagkadili-matinuoohon. Kon imong nakita kini, nan imong toohan nga adunay laing maayong balita nga gikawali. Kong dili ka motoo niini. nan anaa ikaw sa kahimtang sa dili pagkamatinoohon mahitungod nianang laraw sa Dios pinaagi kang apostol Pablo sa iyang pagkaapostol; wala nimo mailhi ug kinsa si Pablo ug alang kang kinsa may kalabutan ang mensahe nga iyang nadawat gikan kang Kristo mismo.
Karon, kinahanglan ang mga Gentil maminaw gikan niining tawo nga ginganlag Pablo, ang apostol alang ug ngadto sa mga Gentil.
Ang numero uno nga pundasyon nga kamatuoran nga naglangkub sa espirituhanong pagkaon pinaagi sa Pablohanong kaakohan mao kadtong iyang dawat nga katungdanan sa pagkaapostol gikan sa atong nabanhaw nga Cristo Jesus.
Romans 1:1-5King James Version (KJV)
1 Paul, a servant of Jesus Christ, called to be an apostle, separated unto the gospel of God,
2 (Which he had promised afore by his prophets in the holy scriptures,)
3 Concerning his Son Jesus Christ our Lord, which was made of the seed of David according to the flesh;
4 And declared to be the Son of God with power, according to the spirit of holiness, by the resurrection from the dead:
5 By whom we have received grace and apostleship, for obedience to the faith among all nations, for his name:
Ang bersikulo 5 miingon, "kang kinsa kami nakabaton ug grasya ug ang pagkaapostol..." Ngano man nga si Pablo nakadawt man ug grasya ug pagkaapostol? Tubag: ALANG SA PAGKAMATINUMANON NGADTO SA PAGTOO ALANG SA TANANG MGA NASUD.
Kita, ingon nga mga Gentil, magatuman sa pagtoo. " Ang pagtoo" mao ang atong kinahanglan pagatoohan ingong nga mga Gentil. Buot ipasabut, kung ikaw miingon nga mitoo ka sa Dios, kinahanglan imong toohan ang Dios sa usa ka paagi pinaagi sa laraw sa tinago niining dispensasyon sa grasya sa Dios ug ang dalan sa paagi nga atong nahibaloan pinaagi kang apostol Pablo.
Simple lang, "Ngano man si Pablo nakadawat ug pagkaapostol ug niining grasya (ang walay balos nga pabor sa Dios pinaagi sa kamatayon ni Kristo) alang sa pagkamatinumanon ngadto sa patoo alang sa tanang mga nasud?
Acts 1:8King James Version (KJV)
8 But ye shall receive power, after that the Holy Ghost is come upon you: and ye shall be witnesses unto me both in Jerusalem, and in all Judaea, and in Samaria, and unto the uttermost part of the earth.
1. Ang Jerusalem, ang syudad sa dakong Hari ( Isaias 60)
2. Ang Judea, mao ang yuta diin ipahamutang ang trono
3. Samaria, ang Norteng Gingharian
4. Ang kanasulorang lawak sa kalibutan ( ang mga Gentil nga mga nasud)
Nan, atong pangutan-on ang atong mga kaugalingon niining maong pangutana: kung si Pablo ug Pedro nagwale pa ug parehong maayong balita, nan nganong si Pablo alang sa mga Gentil pa kung ang mga Gentil apil man usab sa iyang programa ug plano nga apil sa katuyoan ni Pedro? Apan dinha sa atong mabasa si Pablo miabot ug miingon nga siya mao ang usa sa nakadawat sa grasya ug pagkaapostol alang sa pagtoo sa tanang mga nasud ug kanasuran.
Ang mga kamatuoran mao kini nga kon imong susihon ang Roma 1, imo nang mahibaw-an karon ang pinasahe nga maayong balita uban ang lahi ug pinasahe nga apostol. Kinahanglan atong ilhon ug pagadawaton ang awtoridad ug kagahom nga gihatag sa Dios sa katalagsaon sa iyang katungdanan ug mensahe nga aplikado sa imong panahon isip usa ka ka Gentil.
Sukad sa pagkatukod sa kalibutan, ang Dios nagalihok sa pagpahiuli sa gingharian dinhi sa yuta. Ang Dios nagahatag sa Iyang Gingharian ( o balaodnon) pinaagi sa usa ka nasud nga gitawag ug Israel ug ang Israel sa katapusang bahin sa Buhat naa sa kahimtang sa dili pagkamatinoohon. Nan, kung imong tun-an ang Roma 1:5 imong makaplagan ang tudling sa pagpahayag "alang sa pagkamasinugtanon ngadto sa pagtoo" dili kini pinasikad lamang kung unsa ang imong nabasa sa libro sa mga Buhat. Kinahanglan gyud nato nga pagadawaton sa dakong kalipay kining tudling sa pagpamulong ni apostol Pablo "alang sa pagkamatinumanon ngadto sa pagtoo alang sa tanang mga nasud"
Kita nasayud nga ang "pagkamatinud-anon ngadto sa pagtoo" wala makaplagan sa Genesis hangtud sa Buhat mahitungod sa pagtoo nga nalangkob gikan sa Genesis ngadto's mga taga Buhat tungod kay ang pagtoo sa Gentil sumala sa Genesis hangtod sa mga taga Buhat makabaton sila ug kaluwasan PINAAGI SA ISRAEL ug sa iyang pagkaon nga gihalad sa lamesa (nianang BALAOD ug MGA PROPETA). Mao nga kanang pagpamulong ni apostol Pablo, dako kaayo'g kahimoan kanato nga atong mabasa sa Roma - kay kana nagpakita ug usa ka PINASAHE NGA MENSAHE UG PROGRAMA SA DIOS. Kining "pagkamasinugtanon ngadto sa pagtoo alang sa tanang mga kanasuran" diin gipadayag ni Pablo WALAY LABUT KINI UG DILI PINASIKAD SA ISRAEL. Sa ato pa, usa kini ka lahi nga wali ug pagpasundayag sa maayong balita.
Nganong si Pablo man? Kini alang sa PAGKAMATINUD-ANON NGADTO SA PAGTOO ALANG SA TANANG MGA NASUD. Kining pagkamasinugtanon ngadto sa pagtoo alang sa tanang mga nasud, makaplagan lamang ug makab-ot lamang pinaagi sa imong pagpaminaw kang Pablo nga maoy apostol ngadto ug alang sa mga kanasuran.
Romans 1:11-12King James Version (KJV)
11 For I long to see you, that I may impart unto you some spiritual gift, to the end ye may be established;
12 That is, that I may be comforted together with you by the mutual faith both of you and me. Si Pablo gusto nga mopaambit nianang usa nga iyang gitawag ug "espirituhanong gasa". Unsa man ang imong gihuna-huna ug nahuna-hunaan kung kita nakadungog nianang pagpamulong "espirituhanong gasa"? Kasagaran, kita maghuna-huna ug pagsultig mga dila, pag-ayo ug mga sakit ug pagpakita ug milagro ug mga nagkadaiyang mga ilhanan. Si Pablo misulti niining mga butanga sa 1 Corinto 12 ug kini lahi nga mga pagtulun-an diin kitang tanan masayod aron kita dili mahimong walay alamag. Sa laktud, ang konteksto sa libro sa Roma 1 wala naghisgot ug MGA GASA, apan kini usa sa pinakamahinungdanon kaayo.
Kinahanglang atong masayran ug kita masayod unsa ang mahimo sa ESPERITUHANONG GASA; kini magahatag kanato ug PAGHUPAY. Si Pablo dunay pagpanglantaw sa labaw pa diha sa iyang pag-ingon mismo diha sa libro sa Roma labut sa esperituhanong gasa nga MAOY MAKAPAHUPAY kanilang tanan. Kini pinaagi sa samang pagtoo sa mga taga Roma ug kang apostol Pablo (mutual faith)
Ang pagtoo mao ang pagdala ug paghatag importansya sa plano sa Dios; ang pagtoo mao kanang usa nga atong gitoohan isip usa ka Gentil, ug nga kung tinuod man, nan kinahanglan natong masayran ang paagi sa Dios sa Iyang plano nga angayan gyud natong pagatoohan karon isip mga Gentil. Dili kita makapatuyang ug unsay atong gustong iwale or pagatuohan sumala sa atong kainaugalingong pagbulut-an. Dili kita makapatuyang ug unsay anagayan natong tuohan. Kita magatoo ug motoo kung unsa ang gisulti sa Dios nga anagayan natong pagatoohan. Motoo kita unsay ipatoo sa Dios kanato- mao na ang pagtoo ( pagtoo unsa ang patoohan sa Dios karon alang kanato).
Sa bersikulo 12, unsa may magahatag ug paghupay? "Ang atong pagtoo tali sa IMO ug AKONG PAGTOO". Si Pablo naghulagway unsay mahitabo kung ang mga taga Roma makabaton sa espirituhanong gasa, kanang pareho nga pagtoo nga maanaa kanila ug kang Pablo. ( Note: may kalambigitan kana sa pagbahin-bahin sa kamatuoran alang karon subay sa Pablohaong pagpasundayag)
Romans 1:13King James Version (KJV)
13 Now I would not have you ignorant, brethren, that oftentimes I purposed to come unto you, (but was let hitherto,) that I might have some fruit among you also, even as among other Gentiles.
Karon, ang hunahuna simple lamang. Si Pablo unang nakakab-ot niini pinaagi sa pinadayag ug karon buot niyang ihatag kini ngadto sa mga taga Roma, mao ni ang parehong patoo (mutual faith). Sa unsang paagi nakuha kini ni Pablo?
Galatians 1:11-12King James Version (KJV)
11 But I certify you, brethren, that the gospel which was preached of me is not after man.
12 For I neither received it of man, neither was I taught it, but by the revelation of Jesus Christ.
2 Corinthians 12:1King James Version (KJV)
1 It is not expedient for me doubtless to glory. I will come to visions and revelations of the Lord.2 Corinthians 12:7King James Version (KJV)
7 And lest I should be exalted above measure through the abundance of the revelations, there was given to me a thorn in the flesh, the messenger of Satan to buffet me, lest I should be exalted above measure.
Daghan kaayong salamat sa inyong pagbasa ug pagpadayon sa Pablohanong pagpasundayag alang kanato karong panahuna sa grasya sa Dios.Ang grasya ug kalinaw sa Dios magauban kanantong tanan....
No comments:
Post a Comment