ANG MAAYONG BALITA NGA IYA SA MGA WALAY-SIRKUNSISYON

ANG MAAYONG BALITA NGA IYA SA MGA WALAY-SIRKUNSISYON
Igsoong Albert Gran


Sa Roma 11:13 klaro kaayong gidiklarar diha sa Sinulat sa Mga Taga- Galatia ang mahitungod sa kamatuoran labut sa pagka-apostol ni Pablo ug sa iyang maayong balita nga giwali. Nalangkub sa primerong duha ka mga kapitulo, dunay usa ka talagsaong espirituhanong kahayag diin nagadan-ag gikan sa Dios aron sa pagwagtang sa espirituhanong kangitngit mugna sa mga relihiyon ug mga gikabilin-biling tuluohan sa mga tawo diha sa sulod sa Kristohanong katilingban mahitungod kang Pablo labut sa isyu sa langitnong pagkaapostol, sa iyang mensahe, ug buluhaton. Klaro kaayo sumala sa nahisulat sa Balaang Kasulatan ang mga pagpamulong nga makapakugang, isog ug makusganon nga mga pagpahibalo, maisogon nga pagpanghimatuod uban sa mga bag-ong pinadayag uban ang usa ka determinadong pagkadani.

ANG MAKAPATINGALA:

Galatia 1:6-7

6 ¶ Nahibulong ako nga sa kalit mitalikod kamo kaniya nga nagtawag kaninyo sa grasya ni Cristo ug mibalitok kamo ngadto sa laing Maayong Balita--
7  dili nga adunay laing Maayong Balita, kondili nga adunay nanagpagubot kaninyo ug buot magatuis sa Maayong Balita mahitungod kang Cristo.



ANG MALIG-ONG PAGPAHIBALO:

Galatia 1:8-9

8  Apan bisan pa kon kami, o usa ba ka manolunda nga gikan sa langit, magawali kaninyog Maayong Balita nga supak sa amo nang gikawali kaninyo, ipatunglo siya.
9  Sumala sa amo nang gikaingon kaniadto, usbon ko karon ang pag-ingon, nga kon adunay magawali kaninyo ug Maayong Balita nga supak sa inyo nang nadawat, ipatunglo siya.

ANG MAISUGON NGA PAGPANGHIMATUOD UBAN SA BAG-ONG MGA PINADAYAG

 Galatia 1:11-12

11  Kay buot kong masayran ninyo, mga igsoon, nga ang Maayong Balita nga akong giwali dili tawhanong Maayong Balita.
12  Kay wala ko kini dawata gikan ug tawo, ni gikatudloan ako mahitungod niini, kondili pinaagi sa pagpadayag gikan kang Jesu-Cristo. 

ANG USA KA DETERMINADONG PAGKADANI

Galatia 2:2a-5

2  Mitungas ako sumala sa pinadayag; (ngadto sa Jerusalem) ug ang Maayong Balita nga ginawali ko ngadto sa mga Gentil, kini akong gibutyag kanila (apan sa pinig, kanila lamang nga mga kadagkuan) (Mga Gingharianong mga Balaan uban sa mga doktrina sa mga Apostoles), basi ako maning-kamot kon nakapaningkamot na ba kaha hinoon sa wala lamay kapuslanan. 
3  Apan si Tito nga uban kanako wala nila pugsa sa pagpasirkunsisyon, bisan tuod siya Gresyanhon.
4  Apan tungod sa mga igsoong mini nga gipasulod sa hilum ug miyuhot aron sa pagpaniid sa atong kagawasan nga naato diha kang Cristo Jesus, aron sa pagdaldal kanato ngadto sa kaulipnan--
5  kanila wala kami magpadaug bisan makadiyot na lang, aron ang kamatuoran sa Maayong Balita (Ang Maayong Balita ni Apostol Pablo ngadto sa mga walay-sirkunsisyon)magapabilin alang kaninyo.(Sa mga membro sa Usa ka Lawas Ni Cristo diha sa mga rehiyon sa Galatia). 

Ingon nga kritikal alang sa mga miembro sa Lawas Ni Kristo diha sa mga rehiyon sa Galatia sa pagsabut diin ang maayong balita nga giwali ni Pablo kanila, maoy pagailhon sa unsang paagi sila mamahimong matangtang gikan sa pagbarug diha sa grasya sa Dios uban sa panalangin niini, ug sa pagpahiuli pinaagi sa pagsabut sa kalainan sa katalagsaong posisyon sa kagahum ni Pablo nga iyang nadawat gikan sa nabanhaw nga Ginoong Jesu-Kristo ug sa atong Dios Amahan, maingon man, karon usa ka mahinungdanon kaayo alang sa tanang mga miembro sa Lawas Ni Kristo nga masabtan kining maong mga isyu! Palihug ayaw kalimot nga ang atong Kaaway wala pul-i ug makulangi sa pag-atake sa tibook nga Kamatuoran diin nadawat ni Pablo pinaagi sa pinadayag ni Jesu Kristo diin makaplagan nato diha sa mga sinulat ni Pablo; diha sa Roma hangtud Filemon.

Sa maga-susi kita sa mga terminong  ANG MAAYONG BALITA NGA IYA SA MGA WALAY-SIRKUNSISYON ug MAAYONG BALITA NGA IYA SA MGA MAY SIRKUNSISYON atong makaplagan nga kini mga hulagwayng pagpamulong nga gisulat ni Pablo, ang Apostol, diha sa Galatia 2:7.

Galatia 2:7

7  hinonoa, sa ilang pagkakita nga ako gikapiyalan man sa Maayong Balita ngadto sa mga walay sirkunsisyon, maingon nga si Pedro gikapiyalan sa Maayong Balita ngadto("nga iya sa"...ang saktong hubad)  sa mga may sirkunsisyon.

Galatians 2:7King James Version (KJV)

7 But contrariwise, when they saw that the gospel OF THE (not TO THE...it shows belonging to someone)  uncircumcision was committed unto me, as the gospel OF THE (not TO THE) circumcision was unto Peter;

Diha sa Galatia 1:7, ang mga Kasulatan nag-ingon nga dunay pipila ka mga tawo nga nagahasol sa mga balaang Gentil ilalum sa buluhaton ni Pablo. Kining mga Taga-Galatia maoy mga gitawag walay-sirkunsisyon, ug si Pablo nagahulma kang Kristo ngadto kanila pinaagi sa pagwali sa Maayong Balita ( Galatia 4:19). Ang mga tawo nga diin maoy hinungdan sa paghasol sa mga balaan nga miembro sa Lawas Ni Kristo mao kadto silang mga magtotoong may sirkunsisyon gikan sa iglesia sa Jerusalem ( Buhat 15:24). Kining mga mini nga mga igsoon nagdala kanila sa mga pagtulun-an sa mga Apostoles; doktrina diin ang Gingharian sa Mesias, Pentecostes, Bag-ong Pakigsaad, bautismo sa tubig, ug ang Balaang Espiritu nga magapuno sa iglesya maoy ilang gitudlo nga pagapadayonon (Buhat 2:42, 46; 4:31, 32; 15:24; 21:20; 2 Pedro 3:11-14)

Ang punto sa pagsabut nga kinaganglan natong tugkaron mao nga kon atong dugangan ug lahi nga maayong balita, mao kanang MAAYONG BALITA NGA IYA SA MAYSIRKUNSISYON diin gitugyan ngadto kang Pedro ug sa onse ug ang pagwali sa panahong Pentecostes diha sa Buhat 2 diin gitoohan nga maoy puli nga kamatuoran  nga maoy pagatoohan sa Lawas Ni Kristo karon nga mao ang MAAYONG BALITA NGA IYA SA MGA WALAY-SIRKUNSISYON, aduna gayuy pagtangtang gikan sa mga doktrina ug pagtulun-an sa grasya pinasikad sa mensahe ni Pablo ug kini nagpahimong imposible alang sa mga kamatuoran nga nakab-ot diha sa mga kinasulorang bahin sa kinabuhi sa mga taga-Galatia (Galatia 2:5).

Ang pagdugang, pagbawas, pagsagol-sagol ug pag-usab sa Mga Pulong diha sa maong pahina usa ka dakong dangan sa Diosnong Pinadayag; Maayong Balita man nga Iya sa May-Sirkunsisyon diin gipiyal ngadto kang Pedro uban sa Buhat 2 nga iglesya o diba sa Maayong Balita nga Iya sa mga walay-sirkunsisyon diin gipiyal sa Dios kang Pablo. Dili nato sagulon si Pedro ug Pablo; ang ilang pagka-Apostol, Mensahe, ug Buluhaton!! Palihug sabta inubanan sa mga mata sa pagsabut sa Yawan-ong plano ni Satanas sa pagpakita nga si Pablo nagwali sa maayong balita ni Pedro; nga aduna lang oy usa ka mensahe; nga wala nay sapayan pagasusihon ang mga gagmayng pulong sama sa "iya sa mga" diin giusab diha sa mga modernong hubad sa Bibliya diin atong mabasa "ngadto sa mga" 

Kita magpasalamat sa Dios sa Iyang langitnong pag-atiman kanato nga Iyang gihatag pinaagi sa Iyang Pulong. Nakabaton kita ug tinuga, prineserba nga Griegong sulat diin ang pagpamulong nga "Maayong Balita nga Iya sa mga Walay-Sirkunsisyon" ug " Maayong Balita nga Iya sa mga May-Sirkunsisyon' mitumaw. Bisan pa kun ang imong natawhang sinultihan Iningles, atong makuha ang pagsabut gikan sa Orihinal nga Griegong pinulongan. Sama pananglitan, kining mga linya's pulong diha sa Griego diin adunay artikulo nga tes. Usa kini ka genitive case of possession, ug sa insaktong paghubad imong makaplagan diha sa Authorized Version (KJV). Tes diin gigamit uban sa linyang" maayong balita nga iya sa mga walay-sirkunsisyon" nagpaklaro "nga" kanang maayong balita nga giwali ni Pablo sa mga Hentil DILI PAREHA sa maayong balita nga giwali ni Pedro ( Galatia 1:16; 2:2, 18). Kining genitive case of possession tataw kaayo nga pinaagi kang Pedro ug kang Pablo, ang Dios adunay duha ka managlahi-lahing maayong balita nga alang sa matag-usa kanila ug nga kini iya sa mga tawo diin maoy gisugo sa Dios subay sa ilang matag-buluhaton. Hinumdumi, alang kini sa duha ka klaseng tawo; ang mga MAY SIRKUNSISYON (Ang Nasud Israel) uban sa ilang Maayong Balita ug sa MGA WALAY-SIRKUNSISYON ( sa mga pagano, mga Hentil nga mga kanasuran) uban sa ilang Maayong Balita.Adunay duha ka dili managsamang maayong balita sa duha ka dili managsamang iglesia sa panahon sa libro sa Buhat.

Niining bersikuloha, kasagaran sa mga modernong hubad sa English nagsalikway sa paghubad "iya sa" ("of the") nga mao ang tes apan ilang gigamit ang "ngadto sa" ("to the") diha sa ilang paghubad. Kining sayop nga pagbasa dili matinud-anon nga paghubad sa Tradisyonal Greek text diin naghatud sa daghang mga sayop nga konklusyon nga atong nabatonan karon:

1. Aduna lamang oy usa ka maayong balita
2. Si Pablo nagwali sa mensahe ni Pedro
3. Nga ang Dispensasyon sa grasya nagsugod sa Pentecostes
4. Nga ang iglesya diha sa Buhat 2, mao kuno ang Lawas Ni Kristo matud pa sa Roma 12, 1 Corinto 12; Efeso 1,2,3,4, ug 6

Ang Galatia kapitulo uno ug dos mao ang usa sa mga maisugong pagpahayag niining duha ka maayong balita nga nagpasiuna. Ang Kasaysayan klaro kaayo ug ang mga kasaysayang panghitabo nagpakita sa dayag kaayo unsay nahitabo niining maong bersikuloha; ug alang sa mga tawo nga naghubad sa tes ug naghatag ug sayop nga kahulugan ang ilang gihimo usa ka dili matinuorong buhat. Nganong daghan man sa modernong mga maghuhubad nga nagpadayon man sa paghubad ug sayop? Kini tungod kay dunay duha ka pamilya sa manuscripts, ang Textus Receptus (Traditional Text) diin mao tinubdan sa Authorized Version ug gigikanan niini ug ang usa mao ang Critical Text, ang gitawag nga Westcott ug Hort nga Texto diin mao gigikanan sa tanang mitumaw nga mga modernong Texts. Aduna bay tes nga definite article?  Kini gisulat diha sa pahina 36 nianang " Translator Handbook on Paul's Letter to the Galatians" ni D.C. Arichea, Jr. ug E.A. Nid, ug gi published pinaagi sa United Bible Societies, volume XVIII. Dinhi nag-ingon,

"Sa paghubad sa duha ka tudling nga pagpamulong mahitungod sa maayong balita sa mga Gentil ug maayong balita sa mga Judio, ang matag-usa angay magabantay sa paghatag ug impresyon diin adunay duha ka matang sa maayong balita, ang usa alang sa mga Judio ug ang usa alang sa mga Gentil... Aron malikayan kining maong kalibog, ang usa kinahanglang klarohon diin si Pablo ug Pedro gitahasan sa pagmantala ug usa ka maayong balita, mao lamang si Pablo adto sa mga Gentil unya si Pedro ngadto sa mga Judio...."

Nan maingon man karon, dunay usa ka makinaadmanong pagtumo-tumo diin matud pa aduna lamang gayud oy usa ka maayong balita nianang gitawag nila nga daw may kalainan tali kang Pedro ug kang Pablo isip sila may mga tawo diin ilang pagaadtoan ingon nga sila mga pinadala sa Dios. Apan dili nato gyud ikalimod ang pulong tes sa Galatia 2:7 nga makaplagan sa usa sa pamilya o linya sa manuscripts. Nganong usbon man gyud sa mga tagahubad ang kahulugan niini? Dayag lang gyud nga silang tanan naghuna-huna nga ang Bibliya aduna lamang oy usa ka maayong balita; ug aron mapamatud-an kini, ilang giusab ang kahulugan sa Griegong artikulo aron sa pagpasibo sa ilang sayop nga mga doktrinang ug denominasyonanhong gikabilin-bilin. Imbis diha sa pagsalig sa may-awtoridad sa pagbag-o sa salabutan sa tawo, hinuon ang tawhanong kaalam mao nay gigamit aron sa pagtudlo sa Dios.

Aron masabtan sa Lawas Ni Kristo ang pagkatugkad sa espirituhanong kaayohan  sa kinatibuk-ang sulat sa mga Taga-Galatia, daku kaayo ug katabang ang paghinumdum nga ang libro sa mga taga-Galatia gisulat panahon sa Buhat human mahulog ang Israel sa Buhat 7 diin ilang gihiklin ang Esperitu Santo pinaagi sa pagbato kang Esteban. Kining panahona gitumbok gayud sa Kasulatan isip "ang Ilang pagkaut-ot o pagkawala" (Israel)- Roma 11:11-13. Sa dihang ang Israel, ang iyang pagtagana, ug mga sugong buluhaton mahanaw na o magakawala na ang Dios nagsugo ug duha ka managlahing Apostol, sa duha ka managlahing maayong balita! Usa ka maayong balita alang sa usa ka klase (Griego--- ang heteros nga Maayong Balita..... Galatia 1:6) ingon nga maayong balita nga iya sa may-sirkunsisyon, nga mao ang naglangkub nga kamatuoran alang sa mga may sirkunsisyong Nasud sa Israel, ug gipiyal kini kang Pedro ug sa onse, uban pa ang pagtagana sa Bag-ong kasulatan nga may kalambigitan sa mga may-sirkunsisyon ug sa mga buhat sa Kasugoan ( Jeremias 31:31-34; Mateo 26:27-29; 5:17-19). Ang laing klase ( sa Griego---- ang allos nga Maayong Balita... Galatia 1:7) ingon nga maayong balita nga iya sa mga walay-sirkunsisyon diin gikapiyal kang Pablo, kini usab gitawag nga Maayong Balita Sa Grasya Sa Dios ( ! Corint0 1:17; 9:17; 1 Timoteo 1:11; Buhat 20:24)

Sa Genesis 17:1-14, ang Ginoong Labawng Makagagahum nag-usab sa ngalang Abram, usa ka Gentil, ngadto sa Abraham ug naghimo ug kontraktwal nga kasabotan (usa ka kasabutan) uban kaniya ug sa iyang pisikal nga mga kaliwat. Ang Ginoong Dios naghimo kang Abraham sa iyang unod ug usa ka ilahanan isip usa ka handumanan sa ilang kasabutan. Kanang maong ilhanan gitawag ug sirkunsisyon. Sa ato pa, si Abram nga gisirkunsisyonan nga gitawag ug Abraham, nahimong amahan sa nasud Israel. Kung si Israel nagsulti mahitungod sa ilang mga amahan sa kanunay mao kini silang Abraham, Isaac, ug Jacob. Kining Pakigsaad ni Abraham gikumpirma kini ni Isaac ug Jacob (Genesis 17:19, 28:13-15). Ang sirkunsisyon kanunay gayud nga bahin ug apil diha sa Balaod nga gihatag sa Dios kang Moises ( Levitiko 12:3)

Kining Pakigsaad Ni Abraham gilangkuban sa tulo ka mga dagkung puntos (tan-awa ang Genesis 17)

1. Nga ang Dios nga Makagagahum mahimong Dios sa mga may-sirkunsisyon diha sa unod. Mao lang kining Nasud nga nakabaton ug Dios nga makagagahum. Siya ang ilang Dios. Ang ubang mga nasud walay Dios niining kalibutana ( Efeso 2:11-12)
2. Ang sirkunsisyon diha sa unod mahimong katawhan sa Dios, "AKONG MGA KATAWHAN",
3. Ang yuta sa Canaan, diin si Abraham usa ka dumuloong, mamahimong ilang walay katapusan nga panulundon (ang saad sa yuta nga ilang pagpuy-an sa walay katapusan).

Kining kasabutan nga may saad mao ang usa sa linya sa ubang mga kasabutan diin gidugang niining tulo ka klaseng saad. Kini nga kasabutan nahimo sulod sa 430 ka tuig sa wala pa ang Kasugoan Ni Moises gidugang alang sa samang mga katawhan, ang Israel. Ang Daan nga Kasabotan nga gihatag didto sa bukid sa Sinai sa Exodus 20, wala mag-usab sa "maayong balita" alang sa mga may sirkumsisyon, apan nagdugang sa detalye sa mga kabalaoran, mga tulumanon, mga paghukom, ug mga sugo nga mga naglungtad na. Sa paghatag ug pagtagad sa mga probisyon sa Karaan nga Pakigsaad nga gilista dinhi sa ubos, atong makaplagan ang tutulo ka mga probisyon sa Pakigsaad Ni Abraham sa Sirkunsisyon diin bahin sa sugo nga gihatag didto sa Sinai.

1. Sa Exodus 20:3,4 --Ang Ginoong Dios mahimong Dios sa Israel, ug nga sila dili na magbaton ug laing dios sa atubangan niya. Ang Israel gihatagan ug ngalan sa Dios diin maoy ilang pagasangpiton Siya isip piniling nasud; kanang ngalan mao ang Jehovah (Exodus 6:1-5). Si Jehovah mao ang ilang Dios;

2. Deuteronomio 7:6-8/ Leviticus 12:3; 20:26--- Ang Karaang Testamento nagalangkub sa kasugoan ug nagsugo sa pagsirkunsidar sa mga anak nga lalaki. Kanang mga katawhan nga gisirkunsisyonan mao kadto sila usab nga mga naulipon gikan sa ubang mga katawhan (mga walay-sirkunsisyon) ug gikahatagan sa pagkabalaan pinaagi ni Jehovah, nga nag-ingon "kamo usab mahimong balaan nganhi kanako: kay ako ang Ginoo nga balaan". Sa ato pa, ang sirkunsisyon alang sa Iyang katawhan (2 Chronicles 7:14/ Ezek. 34:30);

3. Deuteronomio 4:1? Exodus 19:5,6; Isaiah 61:6; 1 Peter 2:5--- Ang Nasud Israel, ang nasud nga may sirkunsisyon, magapangadto ug maga-angkon ug yuta nga gisaad ngadto sa mga Amahan pinaagi sa kasabotan , magaalagad sa Dios isip Nasud sa mga Pari. Sila magapuyo nianang yutang saad hangtud sa kahangturan.

Kining samang tutulo ka mga probisyon makaplagan usab sa Walay Katapusang Kasabutan diin ang Dios magahingpit sa Iyang plano pinaagi sa Nasud Israel ( Ezekiel 37:11, 24-28). Kung atong hatagan ug pagtagad, ang ilang pagkapinasahi klarong dayag gayud sa unod niining mga tawhana, palihug hinumdumi nga sa wala pa ang pagtawag kang Abram ug pag-usab sa iyang ngalan nga Abraham, ang Dios nagahiklin na sa mga nasud sa kalibutan diha sa Genesis 11 didto sa Tore Sa Babel. Kining mga nasura anaa sa kahimtang sa ilang pagkadili matinuohon. Ang Dios naghukom kanila sa kinabubut-ong buhat sa pagsalikway sa kahibalo sa Dios nga iyang gipadayag ngadto kanila (Roma 1:20-25). Ang Dios nagatugyan kanila diha sa ilang suhi nga mga panghuna-huna ngadto sa pagtugyan sa ilang mga kaugalingong kailibgon sa unod. Gawas niining maong paghukom, ang Dios nagpili ug usa ka tawo nga si Abram, naghimo ug Kasabutan Sa Sirkunsisyon uban kaniya ug nagsaad ngadto kaniya ug sa iyang kaugalingong pisikal nga liso nga sila mahimong katawhan diin maoy pagagamiton sa Dios dinhi sa kalibutan aron sa pagpakita sa mga paganong nasud unsay kahimtang ug dangatan kon ang Dios sa Langit maoy Dios sa Israel; alang kanila nga maoy Iyang Katawhan; ug, alang Kaniya aron sa pagpuyo sa ilang tungang bahin sa yuta ( Deuteronomio 4:5-8).

Ang problema dili mao ang mga probisyon sa maayong balita sa May-Sirkunsisyon, ni mao kadtong gidugang na nga mga Kasabutan apil ang Kasugoan, kay mabasa nato nga ang Kasugoan balaan, matarung, ug maayo. Ang sayop anaa sa kinasulorang Adanhong kinaiyahan sa matag-Israelita. Sila, sama sa mga dili-matinuohong pagano, nakabaton ug masal-anong kinaiya tungod kay sila usab mga kaliwat man ni Adan. Ang mga Gisirkunsisyunan nagakinahanglan ug maayong balita diin striktong alang lamang kanila aron sa pagbuntog sa ilang mga problema sa unod ug sa pagpangita sa ilang kahimtang isip Balaang Nasud sa Dios sa mga pari alang sa gitagna nga gingharian dinhi sa yuta. Sumala sa Kasaysayan sa panahon ni Pedro, ug sa umaabut nga bahin sa atong adlaw karon, adunay Maayong Balita nga Iysa sa May-Sirkunsisyon (Basaha ang Galatia 2:7-8 sa KJV nga Bibliya diin ang Dios, nagabuhat nga makusganon diha kang Pedro alang sa pagkaapostol sa mga may sirkumsisyon, ug nagahatag kaniya ug ngadto kaniya sa tibook nga kamatuoran niini.)

Kining Maayong balita nga Iya sa mga May Sirkunsisyon mao ang gikinahanglang tambal nga maoy kinahanglanon kaayo sa Israel sa mga adlaw ni Pedro diin ang Dios, pinaagi sa dose ka mga apostoles, nagatanyag sa Israel sa Gingharian. Ang Nasud nagsalikway sa Amahan sa ilang pagtugot nga mapatay si Juan Bautista. Ila usab nga gipangayo nga ang Dios Anak ilansang sa Krus. Ug sa sayong bahin nga mga kapitulo sa Buhat, ang Balaang Esperitu ngapalig-on sa mga Gamayng Panon, uban kang Pedro nga maoy ulo, sa pagtanyag ngadto sa Israel sa Maayong Balita nga Iya sa Mga May-Sirkunsisyon: "Paghinulsol ug Pagpabawtismo...." mao ang ilang imbitasyon (Buhat 2:38).  Diha sa primerong bahin sa libro sa Buhat ang paghinulsol, pagbautismo sa tubig, ug ang kapasayloan sa mga sala nahiabot ngadto sa sa "mga anak sa mga propeta, ug diha sa mga kasabutan diin iyang gihimo uban sa mga amahan...." ( Buhat 2;14, 22, 29, 36; 3:25; 4:10; 5:31). Kining tutulo ka mga probisyon alang sa maayong balita nga Iya sa mga may-sirkunsisyon sa makausa pa gitanyag ngadto sa Israel (Buhat 3:17-21) sumala sa Bag-ong Kasabutan/Testamento sa sakripisyo sa dugo alang sa Israelinhon Tinuod nga Pari, si Jesu Kristo.

Sa Jeremias 31:31-34 ang Dios sa Israel nagpahibalo nga Siya maghimo ug usa ka bag-ong kasabutan uban sa balay ni Israel ug uban sa balay ni Juda. Kining mga bersikulo lista kini sa inilang mga probisyon mahitungod sa Kasabotan Sa Sirkunsisyon, ang Karaang Kasabutan/Testamento, ang Kasabutan sa Kalinaw ug ang Walay Katapusang Kasabutan. Kini mao ang:  

1. Jeremias 31:33---- Ako, si Jehovah, mamahimog Dios sa Israel. Ang may-sirkunsisyon mamahimong Jehovah ingon nga ilang Dios. Ang Ginoo magahatag sa Israel sa bag-ong kasing-kasing sa paghibalo Kaniya--- Jeremias 24:7. Kining bag-ong kasing-kasing dili mapakyas;
2. Jeremias 31:33--- Ang Balay sa Israel mahimong AKONG KATAWHAN, kay sila mobalik nganhi Kanako uban sa ilang tibook nga kasing-kasing nga Iyang gihatag kanila;
3. Jeremias 31:38-40/ Ezekiel 36:24--- Si Jehovah magdala ug mga tinubos nga Israel diha sa ilang bag-ong yuta.

Sa katapusan, ang May-Sirkumsisyon makaplagan diha sa pagkamatarung nga may kalinaw dinhi sa Yuta. Ang Nasulat sumala sa wali ni Pedro nga makaplagan sa libro sa Buhat pinasikad pinaagi niining mga saad sa mga Kasabutan nga gihimo sa Dios uban sa mga Amahan, apil pud ang Kasabutan sa May-Sirkumsisyon. Si Pedro nagtanyag sa kinatibuk-ang balay sa Israel (Buhat 2:36, uban pa) ang katumanan sa mga Kasabutan sa Pakigsaad. Kung mag-amping kita sa pagtuon, ang Buhat 3:13-26 nagapadayag sa tutulo ka mga probisyon nga Iya sa mga May-Sirkumsisyon.

Didto sa Pentecostes kadtong mga Israelita nga midawat pinaagi sa pagtoo angayan gayud motoo sa pinadayag pinaagi sa pagwali ni Pedro ug magakalipay sa mga panalangin nga anaa sa MAAYONG BALITA NGA IYA SA MAY-SIRKUNSISYON. Kini mao lamang nga ang Israel mangita sa iyang sulbad alang sa problema sa ilang sala. Pinaagi niining Maayong Balita sila kinahanglan magalakaw uban ang pagtuman sa Kasugoan. Ang Israel makadawat ug mga panalangin sa Bag-ong Kasabutan/ Testamentong Kasugoan pinaagi kang Jesus, ang Messias. Pagtoo uban ang buhat diha sa unod ang sumada mga panalangin sa Yuta-- Tan-awa ang Santiago 2. Mao kini ang Balaod, Trabaho, Unodnong Sistema nga operasyon.

Apan ang nahasulat nga panghitabo sa pagbato kang Esteban sa Buhat 7 nagapakita sa nasud sa Israel sa pakig-kauban sa mga pagano sa pagsalikway sa Dinihugan sa Dios. Ang Israel niining puntoha, gihukman sa Dios sama sa ubang mga nasud: ANAA SA PAGKAMASUPILON. Atong mabasa kining deklarasyon diha sa Roma 11:30-32. Diha sa Tagna nga mga Kasulatan, kini gipadayag diin ang Dios magapakita sa Iyang kapungot ug tim-os pagkadismaya sa dihang ang Israel moapil sa mga pagano sa pakigrebelde batok sa Ginoo ug sa Iyang Dinihogan ( Salmo 2:1-5). Nianang panahona sa paghukom, ang Dios magapadala sa Iyang anghel diin nagalupad sa taliwalang bahin sa kalangitan, adunay walay katapusang maayong balita sa pagwali ngadto kanila nga namuyo sa yuta ug ngadto sa matag-nasud, mga kaliwat, matag-pinulungan, ug mga katawhan, magasulti uban sa makusog nga tingog, " Kahadloki ang Dios, ug maghimaya ikaw ngadto kaniya; kay ang takna sa iyang paghukom miabot na."--- Pinadayag 14:6-7

Apan dunay usa ka makahibulunganon ug grasya nga nahitabo!!! Ang minutas nianang takna sumala sa tagnang paghukom wala magsugod sa pagpitik. Mao kini ang testimonyo sa insaktong takna (1 Timoteo 2:6-7; Tito 1:3) sa Sinulat ngadto sa mga Taga-Galatia maisugon nga nagapahibalo mahitungod sa usa ka BAG-ONG APOSTOL, si Pablo, uban sa BAG-ONG MAAYONG BALITA nga gitawag ug "MAAYONG BALITA NGA IYA SA MGA WALAY-SIRKUNSISYON"

Galatia 1:15-16

15  Apan sa diha nga ang naggahin kanako sa diha pa ako sa tiyan sa akong inahan, ug nagtawag kanako pinaagi sa iyang grasya,
16  nahimuot sa pagpadayag sa iyang Anak nganhi kanako, aron kini akong igawali ngadto sa mga Gentil, ako wala makigsabutsabut kang bisan kinsa nga tawo,

Galatia 5:2-3

2  Paminawa, ako si Pablo magaingon kaninyo nga kon magpasirkunsisyon gani kamo si Cristo dili magpulos kaninyo.
3  Ako magapamatuod pag-usab sa matag-usa ka tawo nga nagpasirkunsisyon, nga siya nailalum sa katungdanan sa pagbantay sa tibuok nga kasugoan.
                      
Galatia 5:6

6  Kay diha kang Cristo Jesus bisan ang pagka-may-sirkunsisyon o ang pagka-walay-sirkunsisyon dili magapulos, kondili ang pagtoo nga nagabuhat pinaagi sa gugma.

Galatia 6:15

15  Kay dili ang pagka-may sirkunsisyon o ang pagka-walay sirkunsisyon maoy may bili, kondili ang bag-o nga pagkabinuhat lamang.

Ingon nga si Pablo nagwali sa "MAAYONG BALITA NGA IYA SA WALAY-SIRKUNSISYON" alang sa mga taga Galatia tataw kaayo nga ang Maayong balita nga gikatudlo ngadto kanila walay kalabutan o nahiapil uban sa maayong balita nga iya sa mga may-sirkunsisyon. Sa pagkatinuod ang mahitungod sa maayong balita ni Pablo mahitungod sa grasya ni Kristo, ang sirkusisyon nahimong tunglo sa paghimo sa Lawas Ni Kristo nga kawang lamang. Ang grasya mamahimong kawang! ( Galatia 5:2-4).

Kining mga taga-Galatia maoy mga kaliwat sa mga pagano nga gitugyan didto sa Toreng Babel. Ang Dios wala magahatag ug Kasabutan ngadto kanila. Sila mga langyaw sa tanang mga Kasabutan sa Pakigsaad ug nga mga walay Kristo ( Efeso 2:11,12). APAN KARON pinaagi sa maayong balita si Pablo nagwali, ug nga kini sila kaniadto nga mga layo gikan sa Dios ingon nga siya nagdumala sa Israel sulod sa nilibong mga katuigan, ilang nakaplagan ANG MAAYONG BALITA pinaagi sa pagkatinawag ni Pablo sa iyang pagkaapostol, mensahe, ug buluhaton. Sila nga mga walay paglaum, nakabaton ug paglaum diha sa grasya sa Dios sa atong panahon nga gitawag Dispensasyon sa Grasya Sa Dios. Ang gisalikway nga Kristo/ Messias, bisan pa ang Hari sa mga Israel, mao KARON ang Paglaum sa mga walay-sirkunsisyon ug nahimong Ulo sa Lawas Ni kristo!! (1 Tim 1:1; Eph 1:19-23).

Karon niining presenteng Dispensasyon sa Grasya, ang maayong balita sa May-sirkunsisyon diin gitrabahoan ni Pedro temporaryong gihiklin sa Dios ( ang pagkawala sa Israel gikan sa Buhat 7 hangtud sa katapusang bahin sa Buhat 28) aron ang presenteng Pulong sa kamatuoran magadala ug kahupnganan sa paglihok sa Dios ngadto sa mga paganong mga nasud nga mao ang MGA-WALAY SIRKUNSISYON pinaagi sa bag-ong Maayong Balita nga Iya sa mga walay-sirkunsisyon. Mao kini ang Grasya, Pagtoo, Esperituhanong Sistemang- Operasyon. Niining bag-ong sistema, walay pgalain-lain sa kaliwat, relihiyon, ekonomikanhon o nasyunal nga kaayohan  nga uban o gikan sa Dios pinaagi sa sirkunsisyon o pagbantay sa Kasugoan ( Efeso 1:3).

Sugod sa katapusang bahin nga libro sa Buhat, ang Dios nagadawat ug usa lamang ka Maayong Balita nga maoy igawali. Mao kini ang Maayong Balita sa Grasya sa Dios--- Buhat 20:24--- niining Dispensasyon sa Grasya sa Dios--- Efeso 3:1,2. Kini nakita, ug magapadayon sa pagpakita alang sa tanan nga walay kalainan hangtud sa pag-abut sa kahupnganan sa mga Hentil-- o ang pagkahingpit nga makompleto ang lawas Ni kristo ( Tito 2:11,12; Roma 11:25). Nianang panahona kong makompleto na ang Lawas Ni Kristo, and Dios magatapos niining dispensasyon pinaagi sa pagsakgaw nianang usa ka Lawas Ni Kristo ( 1 Thesalonica 4:13-18)  ug magadala ug magpabalik pag-usab sa pagkamahinungdanon sa mga kaliwat ni Abraham, ang Nasud Israel, pinaagi sa MAAYONG BALITA NGA IYA SA MAY-SIRKUNSISYON.

Sa katapusan, ngadto sa pipila ug tanan nga nagasagol-sagol sa duha ka Programa Sa Dios-- Ang Tagna ug ang Tinago--ang managlahi nga mga Maayong Balita---Ang Maayong Balita sa Gingharian, Ang Maayong Balita Nga Iya sa May-Sirkunsisyon, o Maayong Balita sa Walay-Sirkunsisyon; Israel ug Lawas Ni Kristo, o magdaut sa kang Pablo nga lahi nga Mensahe sa Grasya, ang Dios adunay dakong warning ngadto kanila:  

Galatia 1:8-9

8  Apan bisan pa kon kami, o usa ba ka manolunda nga gikan sa langit, magawali kaninyog Maayong Balita nga supak sa amo nang gikawali kaninyo, ipatunglo siya. 9  Sumala sa amo nang gikaingon kaniadto, usbon ko karon ang pag-ingon, nga kon adunay magawali kaninyo ug Maayong Balita nga supak sa inyo nang nadawat, ipatunglo siya.      

Sa labing mahinungdanon, hinaut ang mga masigkamagbubuhat makamatngon ug makabantay gayud (1 Corinto 3:10; 1 Timoteo 4:16) kung giunsa niya pagtugod ang balay sa doktrina nianang patukuranan sa kaluwasan sa atong kalag pinaagi sa pagtoo sa,

1 Corinto 15:1-4

1 ¶ Mga igsoon, buot kong ipahinumdom kaninyo ang Maayong Balita nga akong giwali kaninyo, nga inyong gipanagdawat, nga niini nanagbarug kamo karon,
2  ug nga pinaagi niini kamo ginaluwas kon inyo kining kuptan pag-ayo-- gawas kon taphaw ra ang inyong pagtoo.
3  Kay gihatag ko kaninyo ingon nga labing hinungdanon ang nadawat ko ra usab, nga si Cristo namatay tungod sa atong mga sala sumala sa kasulatan,
4  nga siya gilubong, nga siya nabanhaw sa ikatulo ka adlaw sumala sa kasulatan, 

Ang patukuranan uban sa usa ka kahibulungang-istraktura nga mosangko sa langitnong mga dapit gilatid ug gitukod pinaagi kang Pablo. Kini naglangkub sa mga Insaktong Mga Pagtulun-an diin si Pablo lang mismo ang nakadawat pinaagi ug direktamenteng pagpadayag kang Jesu Kristo sumala sa Tinago (Galatia 1:11,12; Efeso 3:1-4). Si Pablo mao ang Apostol ni Jesu-Kristo ngadto/ug iya sa mga Gentil, uban sa Maayong Balita nga Iya sa Walay-Sirkunsisyon, sumala sa pagbulut-an ug sugo sa Dios (Galatia 1:1; Tito 1:1-3; Roma 1:5). Ang iyang buluhaton ug 13 ka mga Sinulat nagapasundayag sa Tinago sa Grasya sa Dios. Pinaagi sa pagtudlo sa maong sama nga mga Pagtulun-an nga gitudlo ni Pablo kanato, kita makaplagan pinaagi kang Kristo na usa ka matinumanon na piniyalan unya sa takna sa Paghukom Ni Kristo (2 Timothy 2:2; 3:14; 4:7-8; Roma 14:10-12; 1 Corinto 3:10-15). Pinaagi lang sa maayong Balita ni Pablo ang mensahe sa kaluwasan sa way katapusang kalag alang niining atong presenteng Dispensasyon.

Ang kalinaw ug grasya sa Dios magauban kaninyong tanan,