Ang Ehemplong Sulondan Sa Atong Panahon Karon

SUBAY  SA HINGPIT NGA DALAN ILALUM SA GRASYA

Brother Albert Gran

ANG ATONG LIG-ON NGA SANDIGANAN

Salamat sa Dios tungod kay siya mao ang nagapahiluna sa atong maykasigurohang kaluwasan pinaagi sa maayong balita nga giwali ni Apostol Pablo. Kitang mga tawo sa bag-ong henerasyon human giputol sa Dios ang nasudnong panalangin sentro sa usa ka piniling nasud ug katawhan tungod sa ilang pagsalikway sa Amahan, Anak ug Esperitu, ang Dios mihanyag sa hingpit walay bayad nga kaluwasan ug gasa kanato karon. 

Colossians 2:10King James Version (KJV)

10 And ye are complete in him, which is the head of all principality and power:

Colossians 4:12King James Version (KJV)

12 Epaphras, who is one of you, a servant of Christ, saluteth you, always labouring fervently for you in prayers, that ye may stand perfect and complete in all the will of God.

Kahibulongan kaayo ang buhat sa Dios ilalum sa atong panahon karon, usa ka panahon nga gitawag ug grasya diin ikaw, ako ug kitang tanan makatagamtam sa kamadagayaon sa Iyang grasya alang sa tanang makasasala aron makab-ot ang PAGKAHINGPIT DIHA KANG KRISTO. Kung ang imong pagsalig kang Kristo ug sa Iyang kamatayon mao lamang ang imong gitoohan maoy makahingpit kanimo wala ka masayop higala. Siya ang  nagahingpit kanimo sumala sa Iyang dili masukod nga gasa o grasya nga mao ang kaluwasan. Siya mismo ang mihatag sa imong kasigurohan aron imong mabatonan ang usa ka mahinamong paulondon unya iniglingkod nimo sa imong puluy-anan didto sa langit.

Daghan pa kaayo sa mga esperituhanong panalangin diin ang tanang mga Kristohanon diha sa esperitu magahibalo sa atong panagkatigom sa paghugop sa tinago nga gipadayag kanato pinaagi kang apostol Pablo. Tinuod duna gyud kay dakung kalipay labina kung imong mahibaw-an ang imong kalabutan sa dakong laraw sa Dios sa atong panahon sa grasya ilalum sa grasya.       

Ang usa ka makasasala karong panahona sa grasya mao ang gipadaygan sa Dios sa iyang dakung gugma ug kalooy. Nalooy sya kanatong mga Gentil tungod kay plano niya nga makaangkon kita sa langitnong panalagin haom sa Iyang kabubut-on nga lahi sa panalangin ug kabubut-on nga Iyang gipadayag sa Israel ug piniling katawhan. 

Unsa pamay nakulang kanimo kung ang imong kaluwasan gihingpit na sa Dios tungod sa Iyang dili masukod nga grasya? Wala na!

Apan adunay kitay pagahingpiton mga kaigsoonan ug higala samtang nagapaabut pa kita sa pagpadayag Kang kristo diha sa kahanginan.

ANG PAGLAKAW SA PAGPAILALUM SA KABUBUT-ON SA DIOS SA PANAHON SA GRASYA ANGAYAN PAGAHINGPITON PINAAGI SA IYANG PULONG 

Colossians 4:12King James Version (KJV)

12 Epaphras, who is one of you, a servant of Christ, saluteth you, always labouring fervently for you in prayers, that ye may stand perfect and complete in all the will of God.

Romans 15:16King James Version (KJV)

16 That I should be the minister of Jesus Christ to the Gentiles, ministering the gospel of God, that the offering up of the Gentiles might be acceptable, being sanctified by the Holy Ghost.

Ang atong kalab-uton sa pagkahingpit diha sa atong paglakaw ilalum sa grasya subay sa kabubut-on sa Dios mugna kana sa tinguha sa Dios sa iyang kabubut-on kanatong Iyang mga masigkamagbubuhat (Eph.2:10). Kini moresulata sa atong gipaabot nga ganit ug panulondon.

 Diha sa sitas nga imong mabasa sa itaas, si Epaphras matinud-anong nagapanlimbasog diha sa mga pag-ampo aron ang mga balaan magabarug nga hingpit diha sa tanang kabubut-on sa Dios. Ang mga pag-ampo ni Epaphras labut kana sa iyang mga tinguha uban sa iyang mapinadayong pagpakaylap sa kabubut-on sa Dios pinasikad sa iyang nakat-onan gikan kang apostol Pablo. Si Epaphras sama sa usa ka tinun-an ug magtutudlo nga sa masibuton nagapadayon sa iyang pagpanudlo haum sa langitnong pagpasundayag sa Iyang mga plano ug katuyoan kanatong mga Gentil. Mao kini ang mga kalab-uton sa mga tinuod nga masigkamagbubuhat ni Kristo karong panahona sa pagpahibalo sa dakung laraw sa Dios aron ang atong mga paggawi ug buluhaton mahimong madawat sa Dios pinaagi kang Kristo.

Sa ikaduhang sitas nga mabasa nato diha sa Roma 15:16, si apostol Pablo maoy ministro sa Dios diin gipili nga mahimong palatayan sa pagkamadinawaton sa atong mga halad atubangan sa Dios. Kitang mga Gentil karon magaila sa bag-ong katuyoan sa Dios mismo kanantong mga Gentil nga nahigawas sa pakigsaad, mga balaod ug kabalaoran ilalum sa mga Judiyo. Kung ikaw Gentil wala moagi sa basihanan sa imong pagpangalagad karon sumala sa tuyo sa Dios pinaagi sa pakaministro ni Pablo, ikaw nagasayang lamang sa imong mga pagbuhat, panahon ug salapi. Kinahanglan ang usa ka anak sa Dios magahibalo gyud sa hingpit kamatuoran sa buluhaton ni apostol Pablo, mga pagtulun-an sanglit mao man kana ang pagpadayag sa Dios diin kitang mga Gentil karong panahona sa grasya may dakong kalabutan.

Hunong na sa pagdahumdahum o pagtaghap-taghap kung ang imong gituoohan o gipamuhat haum ba sa Dios. May hingpit na nga laraw ang Dios kanimo isip usa ka Gentil aron imong masayran ang imong kaakohan isip usa ka tawo sa Dios ug nagatinguha sa paghibalo sa Iyang plano ug katuyoan alang kanimo. Dili na kinahanglan motolibabgbag sa liko-liko nga pagtulun-an sa pagbalik sa mga kinaraang tuluohan sa kinaugalingong pagpulupahiubos. 

Salamat sa Dios nga nagahatg siya kanato ug panig-ingnan pinasikad sa Iyang pulong nga puno sa pagkadato sa Iyang dakung himaya ug katuyoan alang sa langitnong pagbulut-an.

Ang grasya sa Dios ug kalinaw magauban kaninyong tanan,

       

Ang Salamin Sa Kamatuoran Ug Ang Pagkahimong Tinuod Nga Kristohanon Karon sa Grasya

      

ANG PAGKA-KRISTOHANON SA UNOD VS. ANG PAGKA-KRISTOHANON SA ESPERITU
By: Bro Albert Gran


Kung subayon gayud nato ang Kamatuoran sa Bibliya, klaro kaayo nga ang pulong sa Dios nganhi kanatong tanan nga mga tawo diin ang susi sa mga tinago sa Dios nga sa sulod sa taas nga mga katuigan Iyang gitago sa mga anak sa tawo, Iya lamang kining gipadayag ug gipiyal kang apostol Pablo karong panahona sa Grasya ( Eph. 3:1-5; Rom. 16:25, Gal. 1:12).

Ang dugukan sa pagtoo diin naglangkub sa imong langitnong kaluwasan, paglaum, panulundon dili nimo matugkad kung ikaw wala pa makasabut sa tinuod nga paagi diin imong pagabahin-bahinon ang pulong sa Dios (2 Tim. 2:15; 2 Tim. 3:16)  aron ikaw Iyang makaplagan nga usa ka magtatrabaho nga walay igakaulaw, nga sa hustong paagi magabahin-bahin sa pulong sa Kamatuoran.

Sa Kristohanong katilingban, ang usa ka anak sa Dios nga may pagsusi sa Diosnong paagi sa pagdala sa Iyang mga pulong uban sa paggawi niini subay sa putli nga kamatuoran diin gitawag nga Pablohanong pagpamatuod (2 Tim.3:10, Phil. 4:9).

Ang nagasubay sa tinuod nga kristohanong paagi sa pagpanudlo, gawi, paglaum, ug pag-angkon sa panalangin mao kadto sila ang nagasunod sa Pablohanong pinadayag pinaagi kang Kristo isip ulo sa lawas ni Kristo. Mao kini ang pagkahimong tinuod nga Kristohanon niining atong panahon karon (1 Cor. 3:10-15).

Sila nga nagasunod kang Kristo karon mao kadto sila ang nagasunod kang apostol Pablo labot sa haum nga pagpasundayag sa paagi sa Dios niining atong gitawag nga panahon sa grasya (1 Cor. 11:1, 1 Cor. 4:6; Eph. 3;1-2). Kadto bang mga Kristohanon nga nagasunod sa paagi sa mga apostoles sa mga may sirkunsisyon ang mga gitawag nga mga Kristohanon subay sa atong panahon karon?

Sa mga nagatudlo ug sinuwitik uban ang mga pagsambog sa pulong sa Dios diin nagapundar sa ilang mga pundasyon sa duha ka programa sa Dios tali sa propesiya ug tinago, nahitumpawak gihapon sa pagkawalay alamag diha sa Pablohanon nga pagpasundayag sa maayong balita sa tinago nga gipiyal sa Dios alang kanato karon.

Dili nagpasabot nga ang paggamit sa pulong sa Dios sa nanglabayng panahon maoy makapahimo karong Kristohanon sa tawo. Ang pagkahimong tinuod nga kristohanon karon ilalum sa grasya nga maoy tinuod nagasunod kang Kristo mao kadtong wala magatamod sa kahibalo mahitungod kang Kristo diha sa unod kondili kadto sila nga nakaila Kang Kristo diha sa esperitu, ang binanhaw nga kristo diin maoy nagapamatuod sa Kaluwasan kanatong mga Gentil dili pinasikad sa usa ka pinili nga katawhan (Israel) kondili pinaagi sa pagpasundayag sa dakong kadaugan sa kamatayon ni Kristo diin maoy gipahayag sa atong espesyal nga apostol sa mga Gentil nga mao si Pablo (Rom. 11:13).

Kining kamatuorana usa ka Pablohanon nga pagpamatuod nga ang atong mga paghalad ngadto sa Dios iyang madawat unsa man ang imong kolor sa panit bisan Judio ka man o Gentil (Rom. 15:16). Diha lamang sa Pablohanong pagpasundayag ang tinuod nga pagkahimong tinuod nga sumusunod ni kristo niining panahona karon o ang pagkahimong tinuod nga Kristohanon diha sa Esperitu.

Ang pagkahimong Kristohanon sa paaging pagtulun-an ug pag-ila Kang Kristo diha sa unod dili matawag bga tinuod nga pagkasumusunod ni Kristo sa atong pamahon karon. Usa kini ka subo pamalandungon apan usa ka tinuod nga basihanan subay sa pagbahin-bahin sa pulong a kamatuoran sa awhag sa wala na pag-ila kang Kristo sa ingon (diha sa unod) (2 Cor. 5:16).

Subaya pag-ayo ang basihanan sa tubag sa pangutana: "Ngano nga ikaw gitawag ug Kristohanon niining panahona karon? Nahimo ba ikaw nga Kristohanon gumikan sa imong pagbautismo sa tubig, pagbantay sa kalagdaan ug mga kasugoan, paghatag sa ikapulo, pagsulti ug mga dila o gumikan sa imong mga maayong binuhatan? Hingpit ba ang imong pagkatinawag nga Kristohanon subay sa kabubut-on sa laraw sa tinago sa Dios niining panahona sa grasya karon diin Iyang gililong sulod sa hataas kaayo nga panahon ug diin kini gipadayag lamang kang apostol Pablo aron kita karon sa mgatuon ug makabasa niini makasabut kita sa atong bahin ilalum sa programa sa Dios nga gitawag ug tinago?

Tam-is kaayo pamalandungon higala, kung sa lunsay nga paagi imong matugkad ang laraw sa grasya sa Dios nga Iyang gipiyal kanatong mga Gentil. Dili na kinahanglan pa ug pagasambugan sa mga lamas sa kanhiay nga kamatuoran sa milabayng panahon ug mga kapanahonan. Kristohanon ka ba sa unod o Kristohanon ka ba diha sa Espiritu? Mao kini ang duha ka matang sa Kristohanon sa atong katilingban karon. Tam-is ang mga pulong sa mga Kristohanon sa unod tungod kay mohapuhap man kini sa atong tawhanong kinaiyahan apan kung ang kamatuoran ang pagasubayon sakit kini alang sa unodnong tinguha tungod kay modulot gayud kini sa kinahiladmang bahin sa atong pagkatawo ug magausab sa imong unodnong kinaiyahan ngadto sa usa ka bag-ong pagkatawo uban ang Espiritu sa Dios pinaagi sa Iyang pulong nga maoy galamiton sa Dios daw usa ka espada.

Ang pagkahamtong ug pagkatugkad sa tinago sa Dios diha sa usa ka Pablohanong pagpasundayag dako kaayo ug bili niadtong gustong mahimong TINUOD NGA KRISTOHANON KARON. Mao kini sila ang garantisado nga MOADTO SA LANGITNONG DAPIT UG HIMAYA. Mao kini sila ang TINUOD NGA MGA MIEMBRO SA LAWAS NI KRISTO.

Ang mga sekta ug relihiyon diin gitukod ug gimugna sa tawo, dili kana maoy haum busa kana palpak, mini, tawhanong kaugdahan sa pagkahimong miembro diin pagasundon ug himoong sulondan si Kristo diha sa tawhanong pagkaila. Ang lingtungay sa punto de vista nga pagpamatuod mao kini: nga ang mga Kristohanon nga nagsunod ni Kristo diha sa Unod wala pa mahimugso sa PLANO SA DIOS aron sila mahimong tinuod nga Kristohanon diha sa espiritu sanglit halayo kanila ang usa ka bililhong PAGPADAYAG O PAGPASUNDAYAG SA MAAYONG BALITA pinasikad sa PABLOHANONG PAGPAMATUOD.

Ang Grasya Ug Kalinaw sa Dios magauban Kanimo