GUSTO MO BANG MAHIMONG MATARUNG SA MATA SA DIOS?

Brother Albert Gran

Romans 4:5King James Version (KJV)

5 But to him that worketh not, but believeth on him that justifieth the ungodly, his faith is counted for righteousness.

Ang pagkamahimong matarung alamg sa kaluwasan imposible kaayo himoon sa usa ka tawo samtang ania pa niining kalibuta tungod sa realidad sa kinaiyahan sa tawo isip usa ka makasasala.

Bisan duna  kita'y mga tawong makita nga tarong ug walay ikasaway sa katilingban dili kita hingpit makaingon nga kanang tawhana atubangan sa atong Dios usa na ka matarung. Ang pagbuhat sa mga maayo ug tarong nga mga buhat usa kana ka maayong prinsipyo sa tawo apan kon ang tawo wala pa maisip nga matarung sa atubangan sa Dios bisan siya usa ka maayong tawo ug tarung sa katilingban, atubangan sa Dios sya giisip gihapon nga dili matarung.

Ang tawo sa iyang huna-huna gustong mamahimong matarung sa Dios. Ang tawo dunay kinaiyahan sa pagpahimuot sa Dios pinaagi sa iyang kinaiyahang matarung ug mga binuhatan. Apan mao kini ang pangutana sa imong kinabuhi:

Ang ako bang pagkamatarung paagi

sa Dios aron ako isipon nga 

matarung sa iyang mga mata? 

Ang tubag: DILI 

Bisan pag unsay maayong buhaton sa tawo ug magbinuotan bunga sa iyang huna-huna nga kaloy-an ug luwason sya sa Dios, dili gyud gihapon kana magsilbi. Ang Dios nag-ingon:

DILI PINAAGI SA IMONG MAAYONG

BINUHATAN!  

Mao kini ang simpleng tubag sa Dios kanato. Kon imong pagabasahon sa ibabaw nga mga bersikulo imong makaplagan nga ang kaluwasan karon sa mga tawo UG ANG PAGKAHIMONG MATARUNG, pinaagi lang gyud sa pagtoo kang Jesu- Kristo nga maoy nagamatarung sa mga dili diosnon o mga makasasala tungod sa KRUS SA KALBARYO.

Sa katapusan:

Ephesians 2:8-9King James Version (KJV)

8 For by grace are ye saved through faith; and that not of yourselves: it is the gift of God:

9 Not of works, lest any man should boast.  

Ang Dios wala kanato maglisud-lisud dili ba? Kinsa man ang naghimong lisod niini? Ang tawo ra gyud nga nagsalig sa iyang abilidad ug mga magwawali nga nag-awhag sa pinaagi PAGBUHAT ug dili sa PAGTOO.

Ang grasya ug kalinaw ni Kristo magauban kanatong tanan.