ANG KAPASAYLOAN SA ATONG MGA SALA

ANG KAPASAYLOAN SA ATONG MGA SALA

Igsoon Albert Gran

Ang tumong niining maong basahon namugna aron sa pagpahinumdom sa matag-usa nianang kamatuoran diin maoy gipahayag sa atong apostol sa atong kapanahonan nga mao si Pablo aron atong pagatoohan ang usa sa pinakadakung panalangin sa Dios alang kanatong mga Gentil uban sa pagtagad diin ang Dios sa atong kapanahonan karon nga gitawag ug "Dispensasyon sa Grasya" nagapakita sa dakung gugma sa Dios ug sa tiunay nga pagpasundayag sa iyang pagkamapailubon sa walay pinihig ug pinalabi. 

ANG KAMATUORAN ALANG SA KAPASAYLOAN SA ATONG MGA SALA 

Ephesians 4:32King James Version (KJV)

32 And be ye kind one to another, tenderhearted, forgiving one another, even as God for Christ's sake hath forgiven you.

Colossians 1:13-14King James Version (KJV)

13 Who hath delivered us from the power of darkness, and hath translated us into the kingdom of his dear Son:

14 In whom we have redemption through his blood, even the forgiveness of sins:

Sa unang pagpasundayag ni apostol Pablo sa nahaunang bersekulo, dayag kaayo ang iyang awhag sa matag-usa kung unsa ang atong basihanan ilabina kung may mga kasilo sa uban. Ang kasilo ug di pagsinabtanay sa iglesya dili malikayan sa kristohanong kinabuhi sanglit anaa pa man kita sa tawhanong lawas bisan tuod may inunahang bunga na Esperitu isip patinga sa atong mga kinabuhi. Ang magtotoo ania sa kinabuhi sa kalibutang dautan isip ang atong pagpili sa pagpailalum sa kabubut-on sa Dios o diba sa unodnong tinguha, sa makanunayon mao ang atong kalab-uton diha sa atong paglungtad ug pagpatunhay niining may kamatayon nga lawas.

Ang Efeso 4:32 usa ka kamatuoran mahitungod sa atong kahimtang posisyunal atubangan sa mata sa Dios ug mahimong basihanan sa atong praktikal nga paggawi kun moabut man ang realidad sa dili pagsinabtanay diha sa Iglesia. Klaro ug dayag kaayo ang kamatuoran nga ANG DIOS TUNGOD KANG KRISTO NAGAPASAYLO NA SA ATONG MGA SALA. Apan ngano man nga bisan sa kamatuoran nga gisulti ni Pablo nga gipasaylo sa Dios ang atong mga sala apan sa gihapon kadaghanan sa paggawi sa mga Kristohanon daw wala man hingpit nagatoo sa kamatuoran labut sa KAPASAYLOAN SA ATONG MGA SALA uban sa basihan sa ilang pagtoo ug binuhatang gipakita ning mosunod:

Daghan sa gihapon mga Kristohanon niining panahona karon ang nagsigi ug pangayo ug pasaylo sa Dios imbis unta sa pagbag-o sa ilang salabutan sa pagpahiuyon sa kabubut-on sa Dios haum sa pagtulun-an sa grasya ug mga pahimangno niini. Ang doktrina sa kanunayng pagpangayo ug pasaylo sa Dios sa ilalum sa kasugoan ug bisan pa sa wala pa ang kasugoan labina sa paghalad ug halad inihaw o sinunog aron mahibalik ang panalagin ug pagtagad sa Dios usa ka prinsipyo nga dili haum sa atong pagtulun-an sa grasya karon. Mismo ang Dios ang nagdiklara pinaagi kang Kristo nga maoy nagpataliwala sa Dios ug sa mga tawo nga iya na kitang gipasaylo sa atong mga sala gumikan sa di masukod nga kadak-on sa iyang gugma ug grasya ( Eph. 2:4).

Ang pangutana karon sa mga nagatuo sa kapasayloan sa atong mga sala kung magapadayon ba kita sa pagpakasala aron modagaya ang grasya sa Dios. Ang tubag niini PALAYO KANA. Ang katuyoan sa Dios sa pagpasaylo sa atong mga sala aron makabaton kitag kagawasan diha sa atong tawhanong kinaiya nga atong nasunod gikan sa atong unang mga ginikanan nga mao si Adan ug Eva. Ang atong kagawasan karon uban sa atong mga pagpili mao ang pagpahimuot sa Dios nga maoy nagaluwas kanato. Usa ka dakong pagkamakauulaw sa iyang mga mata kun kita magapadayon sa atong pagpakasala human kita niya gipahimutang sa usa ka posisyon diha sa pagkapinasaylo.

Ang atong paglakaw isip mga anak sa Dios nga nagabaton sa pagkapinasaylo nagabuhat sa mga buhat nga Diosnon ug dili sa mga kalibutanong kaugdahan alang sa pagtagbaw sa unod. Duna usab oy mga buhat nga daw diosnon apan kini pinasikad sa balaod sa unod sa sistema sa kinabubut-ong pagsimba sama sa mga relihiyosong pulopahiubos alang sa tawhanong pagkamatarung diin ang basihan mao ang sistemang balaodnon ug legalismo ( Col 2:23).

Sa ikaduhang bersikulo sa Colosas 1:13-14 dayag usab nga ang Dios NAGAPAHIGAWAS NA KANATO GIKAN SA GAHUM SA KANGITNGIT UG NAGABALHIN KANATO DIHA SA GINGHARIAN SA IYANG PINALANGGANG ANAK.

Dayag kaayo nga kining kamatuoran tam-is gayud sa takus nga mitoo sa pagpadayag sa Dios sa pagpasundayag sa tinuod nga pagpasaylo sa atong mga sala. Human kita mitoo sa maayong balita sa grasya sa Dios (1 Cor. 15:1-4, Eph. 2:8-9, Rom. 4:5) usa ka dakung pagpasundayag sa Dios mismo nga ikaw iyang balhinon ngadto sa gingharian sa iyang anak nga pinalangga (si Jesus) diin mao na kini ang estado nimo karon, ug pagahatagan usab ikaw sa katungod isip miembro sa langitnong gingharian sa Dios ug makatagamtam nianang panulondon nga giandam sa Dios sa matag-usa.

Huna-hunaa nga wala na ikaw sa gahum sa kangitngit mao nga ikaw nahigawas na sa gahum sa kaulipnan sa imong unod ug may kagahum kana ug takus sa pagamit sa kalasag ug taming nga giandam sa Dios sa matag-usa kanato ug sa pagamit sa galamiton sa ESPERITU NGA MAO ANG PULONG SA DIOS aron ang atong mga salabutan mailalum diha sa pagkamasinugtanon diha kang Kristo (Eph. 6:13-18).

2 Corinthians 10:4-6King James Version (KJV)

4 (For the weapons of our warfare are not carnal, but mighty through God to the pulling down of strong holds;)

5 Casting down imaginations, and every high thing that exalteth itself against the knowledge of God, and bringing into captivity every thought to the obedience of Christ;

6 And having in a readiness to revenge all disobedience, when your obedience is fulfilled.

Ang tanang paggawi sa magtotoo magaagad kana sa iyang pagkatugkad sa kabubut-on ni Kristo sa iyang kinabuhi sumala sa iyang katuyoan sa mga miembro sa lawas ni Kristo diin gipanagtawag nga mga masigkamagbubuhat hinimo diha kang Kristo ( Efeso 2:10)

Ang gahum sa pagkabanhaw ni Jesus alang sa atong pagdaug sa realidad sa kasal-anan niining maykamatayon nga lawas, sa kanunay maoy nagahimo kanatong nagmadaugon taliwala sa tanang matang sa nawong sa sala sa dautan nga kalibutan nga atong gipuy-an karon.

Ang pagkasabut sa doktrina sa kapasayloan sa tanang natong KALAPASAN UG KASAL-ANAN sa milabay, karon, ug sa umaabot maoy magahatud kanimo sa pagkinabuhing madagayaon hangtud sa iyang pagbalik.

Sa katapusan bug-os natong pagahinumduman nga ang Dios madagayaon sa pagpasaylo ug takos kini nga atong ipatagamtam sa mga tawo nga nahimong kabahin aron ang imong pailub ug kamatuoran nga kini maaplikar mapadaygan usab sa pasaylo nga imong nadawat gikan sa Dios.

Colossians 3:13King James Version (KJV)

13 Forbearing one another, and forgiving one another, if any man have a quarrel against any: even as Christ forgave you, so also do ye.

Aduna ba ikaw oy kalipay ug pagmaya human nimo masabti nga ikaw ug ang imong MGA SALA GIPASAYLO NA SA DIOS?

 Ang grasya ug kalinaw  diha kaninyo!

 

  

  

      

   

  

  

UNSA ANG BASIHANAN SA USA KA BEREANHON?

UNSA ANG BASIHANAN SA USA KA BEREANHON?
Igsoong Albert Gran


Isip pasiuna nga pagpanghimatuod niining proyekto sa binisaya nga pagpahayag sa pulong sa Dios, ang tinago sa putling grasya sa Dios ginamugna aron mapadayag ngadto sa mga masibuton nga mga alagad sa Dios ang dakung kahimoan sa pagbahin-bahin sa pulong sa kamatuoran (2 Tim. 2:15) nga tinuod nga gikinabuhi sa mga masibuton nga mga magwawali nga nagsunod sa Apostol sa mga Gentil, si Apostol Pablo.    

Gikalipay ko pag-ayo sulod sa akong kasing-kasing ang pagpatunhay sa kaputli sa pagpasundayag sa pulong sa Dios diha sa pagwali kang Jesus sumala sa PINADAYAG NGA TINAGO diin sulod sa nanglabayng katuigan gipadayag kanato PINAAGI KANG APOSTOL PABLO.

Dayag kaayo ang pagpasundayag sa Dios alang kanatong mga Gentil karon sa dakung kalabotan sa Diosnong pagpasundayag sa ESPERITUHANONG PANALANGIN ( Eph. 1:1-3). Ang atong kahupnganan karon ug pagkahingpit sa atong kaluwasan uban sa mga langitnong panulondon atong nahuptan ug natagamtaman pinaagi sa pagpasundayag sa mga pulong sa pagpasig-uli diin gipiyal sa Dios una kang Apostlo Pablo ug kanatong mga gipanagtawag nga mga 'PINADALA' alang sa katuyoan sa pagpasig-uli sa kalibutan pahibalik sa Dios ( 2 Cor. 5: 15-21).

Ang tumong niini gihalad aron ang mga haligi sa atong mga kasimbahanan makakita uban sa bukas nga salabutan isip sila mga haligi ug andam sa pagtudlo sa tanang higayon. Kadaghanan nahimong nabutaan sa gikabilin-biling relihiyosong kaugdahan nga maoy nakaphilayo sa kadaghanang mga haligi sa Iglesya sa pagbarug balik sa pagtulun-an nga gipiyal ni apostol Pablo alang kanato aron mahimong maimantala ngadto mga kasing-kasing sa mga kaigsoonan isip usa ka takda nga ila usab nga ikapanudlo ug ikapiyal ngadto sa mga kasaligan ( 2 Tim. 2:2).  

ANG BUKAS NGA SALABUTAN SA USA KA BEREANHON 

Unsa ba ang Bereanhon?

Acts 17:11Authorized (King James) Version (AKJV)

11 These were more noble than those in Thessalonica, in that they received the word with all readiness of mind, and searched the scriptures daily, whether those things were so.

Atong masusi pag-ayo dinhing bahina nga ang "pagkahalangdon" sa usa ka alagad sa Dios makab-ot sa simpleng PAGDAWAT SA PULONG UBAN SA ANDAM NGA HUNA-HUNA" ug NAGSUSI SA MGA KASULATAN SA MATAG-ADLAW kun kadtong mga butanga matuod ba.   

Tingali usa ka dakong pangutana sa atong kinabuhi karong panahuna diha sa sulod sa imong kasing-kasing karon kun ang IMONG KAUGALINGON NAGUGOL BA SA MAONG BULUHATON sa pag-susi sa matag-adlaw sa kalab-uton aron ang kamatuoran sa Dios imong makat-onan ug aron pinaagi niini imong ikinabuhi sa matag-adlaw nimong paglakaw isip usa ka magtatrabaho sa Dios nga walay angayang igakaulaw.

Akong nakita karon ang dakung sumpaki sa paglakaw sa mga haligi sa atong mga kaiglesyahan karon nga mikalagiw na sa pagbarug balik sa MGA PULONG SA DIOS sanglit natugob ang ilang mga panahon DILI NA sa PAGSUSI SA PULONG SA KAMATUORAN kondili sa mga buluhaton na sa RELIHIYOSONG MGA KAUGDAHAN nga pinaagi sa kasibut halos tanang panahon nagugol na niini. Mao kanay kasibot sa mga buluhaton nga gitoohan nga para sa atong makagagahum nga Dios apan dili PINASIKAD SA KAMATUORAN. Ang pagkamasibuton sa usa ka alagad sa Dios mugna kana sa iyang pagsunod sa kamatuoran diin maoy gisugo sa Dios nga iyang pagasundon sumala sa atong presenteng panahon ilalum sa grasya, sa pagkinabuhi sa mga pagtulun-an nga WALAY SAMBOG diin gililong sa Dios alang kanato ug sa atong pagkinabuhi karon.

Ang Bereanhon magasuta sa mga kamatuoran ug magasusi kung tinuod ba ang mga ginapanghimatuod sanglit gikapadayag naman ang pulong sa Dios alang sa daghang kaayong kahimoan sa atong TiBOOK NGA PAGKATAWO alang sa pagsangkap kanato sa TANANG MGA MAAYONG BULUHATON aron ang atong mga panahon dili masayang ug aron dili kita magdawat nga WALA inig-abut unya sa takda sa paghukom.

     

1 Corinthians 3:15Authorized (King James) Version (AKJV)

15 If any man’s work shall be burned, he shall suffer loss: but he himself shall be saved; yet so as by fire.

Ang kinabuhi sa matag-usa kanato sama sa usa ka magtutukod. Ang batid nga magtutukod dili diretso magatukod kung walay hingpit pamaagi kung unsaon pagtukod, unsang mga pamaagi sa iyang pagtukod aron sa pag-abut sa panahon dili masayang ang iyang kahago sa pagbuhat.

Ang "kalayo" diin maoy basihanan sa paghukom sa Dios sa matag-usa ka magtutukod naghulagway sa PULONG SA DIOS SUMALA SA MAAYONG BALITA NI APOSTLO PABLO.

Romans 2:16Authorized (King James) Version (AKJV)

16 in the day when God shall judge the secrets of men by Jesus Christ according to my gospel

" Sumala sa akong maayong Balita" mao kini ang importansya nga kinahanglan kita maga-mahimong Bereanhon sa atong pag-alagad aron pag-abut sa panahon duna kitay mapupo nga bunga sa atong pagtukod niining kalibutana. Ang atong salabutan kinahanglan magasubay gayud sa kaalam sa Dios sumala sa iyang gustong mahitabo sa mga miembro sa Lawas ni Cristo ug dili pinasikad sa gidugayon sa atong mga relihiyosong pagpamuhat nga dili dinuyogan sa kamatuoran. Ang "pagtoo" mao kanang "kamatuoran" labut sa dakung plano sa Dios alang kanaton mga Gentil karon nga naluwas pinaagi sa maayong balita sa Grasya sa Dios nga giwali ni Apostol Pablo ug dili pinaagi sa pagwali ni Juan Bautista ug sa 12 ka mga apostoles sanglit ang ilang programa ug ang plano sa Dios alang kanila haum man alang sa Diosnong katuyoan sa iyang pinalangga nga mga katawhan sa Israel.

ANG PRINSIPYO NI PABLO SA PAGBIYA SA MGA KAKAWANGAN ARON MAANGKON ANG KAHIBALO NI KRISTO

 Philippians 3:8 Authorized (King James) Version (AKJV)

8 Yea doubtless, and I count all things but loss for the excellency of the knowledge of Christ Jesus my Lord: for whom I HAVE SUFFERED LOSS the LOSS OF ALL THINGS, and do count them but dung, that I may win Christ,

Gusto mo bang mahimong inila  diha sa inyong relihiyosong pundok ug kaugdahan diin magapamuhat sa mga butang sa pag-alagad imbis sa pag-alagad aron ang kahibalo ni Kristo mapanghimatuod karon sa mga wala nasayod niini? Daghan kaayong mga masibuton sa pagwali sa kaluwasan apan ang kahibalo mahitungod kang Kristo nga maoy labing mahinungdanon sa ilang kasibot sa pagwali dili maoy napahimatuod tungod sa SAMBOG nga pagpahayag mahitungod sa kaluwasan nga maoy gusto sa Dios nga imantala.

Gibiyaan ni Apostol Pablo ang tanan bugti SA KAHIBALO MAHITUNGOD KANG KRISTO. Siya masibuton sa relihiyosong mga buluhaton sama sa kadaghan kanato apan MIBIYA SA MGA KAUGDAHANG RELIHIYOSONG BUTANG, POPULARIDAD SA IYANG RELIHIYON tungod ug alang sa kamatuoran sa kahibalo ni Cristo.

Mawad-an kaman sa tanang unsa man imong naangkon ning kalibutana, gipanghimaraot kaman sa imong mga kaigsoon tungod sa imong pagdawat sa kahibalo ni Kristo, mahimo kaman nga salingkapaw sa mga mata sa mga relihiyosong punoan, apan kung ang imong katuyoan maangkon ang kahibalo ni Cristo dili kana igsapayan. Mas maayong mawad-an ka daan karon niining mga lumalabayng mga butanga kay sa mawad-an ka unya inig-atubang na nimo sa hukmanan ni Cristo sa dihang ipadayag na sa Dios ang tanan natong mga binuhatan, maayo ug dautan sumala sa MAAYONG BALITA NGA GIWALI NI APOSTOL PABLO.

Batid ba ang imong pagka- Bereanhon? Salamat sa Dios nga maipaabot sa atong mga haligi sa iglesya ang atong kagawasan sa pagpanghimatuod sa walay sambog nga pagpanghimatud sa grasya sa Dios.

Ang grasya ug kalinaw sa Dios magauban kanatong tanan!